BusY

It was the busiest day today. Akhir plang ku bangun tadi around 9:30am coz ada orang kan datang hantar kem, but tunggu punya tunggu, inda jua datangnya. So today we continue on cleaning the houses for the major event tomorrow. At 11am i rang the kem owner and asked him bila kan antar and he said “durang on the way sudah nie”. So ku tunggu tah durang datang tapi sampai pukul 2pm belum juga datangnya, waduhhh gimana sich..!!! Malas tah ku tunggu lagi. So continue lagi buat keraja, hari ani aku rajin berabis. Abis ku membersihkan rumah, cuci lungkang, melap tabuk, berkilat jua tabuk rumah kami hehehe..TIA KARANG.. ku suruh driver kami ah melap tabuk, alum ku kan melap, banyak lagi keraja ku kan buat dlm rumah ani, menunggu kem lagi, dari tadi “OTW” nya alum jua sampai-sampainya.

At 3pm, ku tefon lagi bertanyakan mana kem atu alum sampai-sampainya. Guess what apa owner atu cakap “Durang ON tHE WAY ke sana masa ani”. Macam sasak jua ku tu OTW nya dari tadi. Then ku cakap rah owner atu “Eh yakah, dari pukul 11 pagi jua ah durang OTW atu, dari mana kan durang atu, dari Miri kah atau Limbang kita meminjami kem ani”. Ketawa tah pulang owner atu, aku atu sariusss.. nda tia ia kan faham aku atu being sarcastic, eeehh bagi malas orang tuha-tuhanya ani, if understand, lovely. Malas tah ku melayan lagi the owner atu. Inda jua ku dapat marah berabis sal kami minjam kem for free jua kan. Nada keraja di buat keraja lagi, angkat meja, susun kerusi dalam rumah. For me, aku prepare awal-awal lagi so that esuknya nda payah lagi kan berkeraja sal esuknya I know banyak kan di buat lagi, susun kerusi di luar, setup meja, mengarahkan catering lagi and so on.

At 5:30pm datang tia kem aahhh (inda plang exactly 5:30pm.. hehe) sekali ku liat pickup durang atu alamatnya dari Manggis Dua, heran jua ku tu, apa jua jauhnya dari Manggis dua ke sini, inda sampai 20mins bah, ani sampai 7 jam. Ku tagur tia driver pickup atu.. “Mas, kamu ambil kem ini di Miri kah?” ketawa tia lagi driver atu, rasa kan ku angkat basi kem atu and ampas kan kedia, bakal saja aku ani nada power mcm dlm movie HEROES atu hehe… Selesai udah satu kes. So datang tia sis ku ani membawa ayam and sausages. Suruhnya ku marinate the chicken untuk BBQ tadi. Pikir tah belinya chicken wings, panya whole chicken, aduhh.. paksa potong2 lagi ayam ani. Mun sekong dua nda apa, ani ada dlm 7 ekor. Inda apa lah, potong saja tia. Abis ku potong ayam and marinated the chicken, mandi.

At 7pm, start masang api rah tempat menyalai. Amah ani sibuk tah jua menerikah pakaian, inda ia kan tahu banyak lagi kan mengoreng di bawah atu. Macam malas tah ku melagau ia, biar tia ia menerikah dulu. Apa lagi, aku tah mengoreng fish balls and fish nuggets sambil menyalai ayam, gila eh. My mom inda ada di rumah, ke rumah kawannya ngantar barang untuk balasan ke lelaki, kira ia suruh kawannya nyusunkan and buat bunga2 lah tu. So aku tah plang jadi amah ani. Tapi inda apa, memasak is my professionalism, eseh. (luruskah tu ejaanku hehe)

Oh yeah, today panas brabis kali ah.. hari ani aku mandi 5 kali sehari. Pagi, tgh hari, ptg pukul 3, pukul 6 and then tadi lapas menyalai pukul 10pm. Oh man, tadi tgh ari atu lah paling panas, baru keluar kajap, berpaluh tia. Banyak kali dusa ku ah tapi inda jua, bukan aku sorang pi yang lain jua, my friends pun jua, cousins pun jua.. (kira nda mau ngakun bnyk dusa la tu, cover la sikit beb) wawawawa..

Bah tdur ku dulu, really tired n exhausted ni, alum lagi esuk.. ngaleh berabis nie.. chowwss…🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: